Home » Merca ta pone henter Reino Hulandes riba lista preto di paisnan cu ta den labamento di placa

Merca ta pone henter Reino Hulandes riba lista preto di paisnan cu ta den labamento di placa

by Admin
0 comment 57 views

Esaki si a daña no solamente Aruba su nomber, pero full reino su nomber internacionalmente. Aruba como parti di Reino Hulandes ta riba lista preto di labamento di placa.

Washington: Recientemente Merca a pone henter Reino Hulandes riba lista preto di paisnan cu no ta haciendo suficiente pa combati labamento di placa.

Corsou, Aruba, Sint Maarten y Hulanda como “mayor moneylaundry jurisdictions”, esaki a keda publica den un edicion di US International Narcotics Control Strategy Report (INCSR). Casi tur pais of isla den nos region ta riba e lista aki, cu excepcion di Antillasnan Frances, Puerto Rico y US Virgin islands , esaki nan no ta aparece riba e lista aki. Merca, Inglaterra y Spaña tambe ta riba e lista aki di paisnan cu no ta haciendo suficiente pa combati labamento di placa.

Corsou ta wordo considera como un trampolin pa tanto droga y transporte di droga for di Sur America. E labamento di placa ta tuma lugar door di benta di droga ilegal, por wordo haci via hende cu ta fia placa bruto sin ta un banco oficial, online gambling, transporte di oro via Sur America, compranan di cas, edificio, tereno, negoshi etc.

Aruba mescos cu Corsou tambe ta wordo considera un trampolin,  den e negoshi di traficacion di droga saliendo di Sur America cu destino pa Merca y Europa. E dollar y Euro cu ta sali for di Merca y Europa pa bay Sur America ta hacie lucrativo pa nan pasa via Aruba.

E labamento di placa principalmente tin di haber cu e entrada ricibi for di benta di droga procedente di organizacionnan criminal, esaki ta tuma lugar via transferencianan di oro y tambe comprasnan di real estate, manera cas, edificio, negoshi, tereno etc.

Sint Maarten te ainda no a haci niun adaptacion den su leynan referente su Casinonan, lotterianan y online gambling pa asina por controla y regula esaki nan na acuerdo cu normanan internacional.

Hulanda ta un centro importante di comercio y financias, esaki ta haci Hulanda un punto atractivo pa labamento di placa procedente di actividadnan ilegal, entre otro benta di droga.

“Cu e noticia aki lamentabelmente Reino y sigur Aruba den lus negativo internacionalmente. Ban spera awo SI cu husticia cuminsa actua cu man duro contra e tipo di criminalidad internacional aki, cu SI a duna Aruba un mal nomber  y ta tur dia e ta pasa bou nos nanishi y niun hende no ta haya e holor.

fuente: Koninkrijksrelatie.nu

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio