Detencion durante peleanan di MMA na Entertainment Center y tambe un polis a resulta herida durante detencion

Avenida Milo Croes – Diasabra anochi tawata tin peleanan di MMA entre participantenan di Aruba contra participantenan di exterior.

Manera sa pasa ya varios biaha, durante peleanan aki algo ta pasa cu algun hende den publico y problema ta start.
Na luga di atletanan bringa den ring bo ta hayabo cu algun persona cu no por controla nan emocion ta cuminsa busca problema tambe.

Diasabra anochi no tawata excepcion y polisnan mester a actua y a bay over na detene un homber, durante esaki un agente a resulta herida. Esaki tawata e segundo agente cu a resulta herida diasabra anochi durante detencion.

Transportwagen a wordo pidi y den boei ela wordo transporta pa warda.