Parlamentario Robert Candelaria a mustra durante conferencia di prensa di fraccion di AVP, cu el a tuma nota cu despues di hopi tempo di espera y algun issues, tin un helicopter pa polis. “Manera mi a bisa den pasado, mi ta haña bon cu Aruba tin su propio helicopter, pero mi ta haña cu tin hopi otro issues cu tin hopi mas importancia cu e helicopter. Pero cada minister tin e espacio pa bin cu su propio maneho.
Nos a tuma nota cu rond di e binimento di e helicopter tabatin basta pregunta di comiunidad cu a ser lansa relaciona cu e helicopter. Mi ta kere cu ta nos trabou como Parlamento pa vocifera preguntanan di pueblo na gobierno.
Nos tabatin un reunion publico diaranson den Palamento unda mi a topa minister di husticia Bikker. Mi ta contento cu el a bisa mi cu e ta trahando riba e contestanan di mi 2 cartanan. En total mi a haci minister 39 pregunta te awor encuanto e helicopter. Algun di e preguntanan cu mi a haci ta:
- Minister por splica si tabata tin e opcion di huur helicopter di Marina Real y/of Warda Costa na luga di busca otro helicopter pa KPA?
- Cuanto piloto tin asigna pa bula e helicopter di KPA?
- E piloto(nan) a wordo gescreend dor di nos departamentonan hudicial pa por haci e trabou aki?
- Minister por splica si e piloto(nan) a huramenta prome cu a inicia buelo cu e helicopter di KPA?
- Mi tin entendi cu pilotonan mester cumpli c’un nivel minimo di e idioma Ingles segun nos Directie Luchtvaart pa por bula den nos espacio aereo. Minister por confirma esaki?
- Minister por splica si e helicopter actual ta ekipa c’un FLIR (FORWARD LOOKING INFRARED) TEMPERATURA, INFRARED, ZOOM ETC?
- Minister por splica si e helicopter actual ta ekipa cu lus adicional di por lo menos 25 miyon candle Power Search Light?
- Minister por bisa cua empresa ta doño di e helicopter?
- Tabatin un destaho publico?
- Cuanto compania a participa den esaki?
- Riba red social a tuma nota c’un consehero socio di Minister ta envolví den e negoshi aki. Minister por informa Parlamento kico e rol di e consehero socio di Minister den e negoshi aki ta?
- Minister por splica di con a cambia e condicionnan pa inscripcion inicial pa por a participa den e proyecto di helipcopter pa KPA?
- Minister por splica si e helicopter mester haña colornan y logo di KPA mas visibel, of si e lo keda manera e ta?
- Minister por confirma si a cera un wettelijke aansprakelijkheidsverzekering pa e helicopter?
- Minister por bisa si e helicopter ta registra na Aruba?
- Minister por duna Parlamento un breakdown di e gastonan pa opera e helicopter (fuel etc) y mantención di e helicopter?
- Minister por informa Parlamento cuanto biaha ta premira cu e helicopter lo mester lanta belo pa día, of pa siman of pa luna?
Dependiendo e contestanan, lo considera si mester manda pregunta adicional of si nan ta na agrado.