Rocco Tjon: E siman aki ta inicia e “High Risk Deployment training” pa BOT-K9

E siman aki Aruba ta host un training internacional, caminda tin participacion di Hulanda, Sint Maarten y Australia.

Intercambio di experiencia y conocemento ta e esencia di e tipo di seminarionan aki. Diferente team di K9 lo train hunto pa asina percura pa nan keda riba e nivel di nan certificacion. E seminario conoce un aspecto teoretico tambe, caminda lo elabora extensamente riba influencia di nos clima riba e cachonan.

BOT-K9 ARUBA

E “ondersteuningsteam – hondenbrigade”

(BOT-K9) di Aruba ta brinda sosten specialisa na KIA y otro partnernan den a cadena hudicial.

E team ta consisti di trahadornan di CEA y KIA. Di e banda aki nos ta desea e team completo exito e siman aki cu nan training.