Conoci di husticia Gino H, tambe deteni den Guyabastraat na Dakota

Guyabastraat – Diamars durante dia polis a haci otro detencion den Guyabastraat, y na e mesun adres di dialuna.

Manera nos por corda dialuna den oranan di mainta polis a bay Guyabastraat, y ta detene un homber pa ladronicia cu violencia.

Diamars patruya a bay e mesun cas y ta detene un supuesto complice di e homber deteni dialuna, esta Gino H un conoci di husticia.

Gino tambe ta sospechoso di mesun caso esta ladronicia cu violencia. Algun tempo atras Gino tawata meti den caso di atraco.

Pues loke nos ta mira aki cu polis tin pista ariba e hendenan aki, cu ta envolvi posiblemente den varios caso di ladronicia.