181
ORANJESTAD, Aruba – Riu Palace Aruba y Riu Palace Antillas a celebra nos dia nacional hunto cu nan empleadonan y huespednan. Cu presentacion di e grupo di baile folklorico ‘Danza Aruba’, e huespednan a siña un poco mas di e historia di Aruba y e origen di e himno y bandera.
Bisti den paña tradicional di Aruba, e grupo a baila pa oranan cantica tipico di e isla, generando un atmosfera relahante y placentero entre esunnan presente. Nan tur, cliente y bishitante, a disfruta e baile y algun a purba baila tambe.
Pa RIU Hotels tabata un placer celebra hunto cu nan bishitante y staff un dia importante pa Aruba, un destinacion cu e cadena di hotel a yega na 2007. Na 2014 RIU su presencia a bira mas conoce despues a cumpra Riu Palace Antillas.