MACUARIMA, ARUBA: Recientemente a tuma lugar na un charla di prevencion den e bario di Noord. Presenta pa Cuerpo Policial Aruba, un grupo grandi tabata interesa pa cu un charla di prevencion un di e tema nan importante cu a hala atencion tabata prevencion di ladronicia na cas.
Un anochi yena cu pa hopi informacion y tips con pa preveni ladronica den cas y tambe e parti di neighborhood watch. E grupo presenta a haci diferente pregunta y tabata satisfecho cu e presentacion.
Hunto presente tabata e polis di Bario di Noord. A haya un amplio splicacion kico e rol di un polis di bario ta y asina tambe por haci pregunta of aserca e polis di bario pa cualkier informacion of problema cu por tin.
E personan presente a haya hopi informacion y tips valioso cu nan a keda impreciona pa tanto informacion di prevencion cu nan por haci uso di dje.
Si abo tin interesa pa haya un presentacion di prevencion por tuma contacto cu nos libremente na warda di polis na Santa Cruz pa mas informacion. E ta completamente gratis na unda cu e departamento di Prevencion, informacion y comunicacion di Cuerpo Policial Aruba ta brinda na nos comunidad.
Tin diferente tema manera: Prevencion di ladronicia na cas, problema di gang, Neighborhood Watch, seccion di trafico, active shooter y mucha mas. E charla nan ta wordo duna pa Sr. Lito Lacle y Sra. Liliana Rasmijn dirigi pa nos comunidad, sector priva y sector publico.