Oranjestad, Recientemente den un ceremonia official Fundacion Parlamento Hubenil a huramenta 6 miembro di e asociacion.
Despues di un trayectoria largo, e hobenan a finalisa nan periodo di preparacion cu un huramento como miembro. Un huramento unda nan a compromete nan mes na promove y mantene e derechonan di mucha, sostene y defende e interes di hobenan y finalmente desaroya nan habilidadnan di liderazgo, comunicacion y social.
Durante e periodo di preparacion por bisa cu e hobennan aki a dedica nan mes na atende cursonan di project management, leadership, public speaking, debate y teambuilding. Dankina e cursonan y e coachnan cu ta contribui cu e organisacion, e hobenan a haya e oportunidad pa prepara nan mes y desaroya nan habilidadnan.
E hobenan cu a huramenta y compromete nan mes na representa e hobennan y nan scol of organisacion tawata; Srta. Giovanna Carisal (14), Sr. Dominique Cornett (17), Sr. Alex Rampersaud (14), Sr. Camron Pantophlet (14), Sr. Leonardo Figarao (17) y Sr. Joshua Tromp (14), Sr. Samuel Jones (15).
Directiva di Parlamento Hubenil y Asociacion Conseho Hubenil Aruba ta felicita kada un di e hoben cu a huramenta y ta desea nan hopi exito den nan trayectoria como miembro.