Durante control di trafico na Paradera dos homber a keda deteni

Paradera – Diahuebs den dia durante un control di trafico polis a duna un pick up ordo pa hala un banda y para.

Wel, esaki no a bay facil manera mester ta. Esta bo ta slow down y hala un banda pa polis por haci preguntanan.
E pick up aki a hala un banda berdad, pero a baha caminda bay dal otro auto.

Mesora agentenan a bay na e auto. A resulta cu e pick up su brake system ta defect. E pick up no tawata tin ningun papel valido pa ta ariba caminda.
Chauffeur no tin rijbewijs tampoco.

Den e auto tawata tin dos persona, ambos a wordo deteni.
Fuera di tawata core auto sin rijbewijs valido, a resulta cu ambos ta indocumenta tambe ariba e isla.