Palm Beach – Diahuebs marduga un homber cu ta guest na The Mill a pidi asistencia di polis, pa motibo cu ela wordo atraca.
E homber aki cu ta biba na Corsow algun rato prome tawata den hanchinan di San Nicolas. Segun e ta conta polis eyden e incidente a tuma luga.
Parse nan lo a blokia su auto pa atrake, segun ela conta polis. E no a bay a warda di polis na San Nicolas, pero a warda te ora ela yega The Mill pa avisa polis.
Agentenan ta haya loke e homber ta conta un poco straño, y kizas pa e motibo ey no a yama Atraco Team.
E homber no tawata tin su cartera, pues esaki nan lo a kita for di dje. Su telefoon si ela keda cune. Por a mira cu e auto a wordo gedal, kizas ora nan a cere pa atrake.
E homber lo tawata biahando diahuebs mainta trempan y ela bisa polisnan cu e lo haci denuncia na Corsow. Y cu autoridad eynan lo manda esaki pa Aruba.
Si esaki ta posibel nos no por bisa.