Villavicencio, Colombia: Diasabra den oranan di mainta informe a drenta cu un avion a cay den cercania di Villavicencio, despues cu e avion a manda un señal di emergencia y na momento cu ela bay trata na haci un aterisahe di emergencia, e avion a pega candela y aparentemente lo a cay riba tereno di un finca.
E avion di Laser Express, un DC-3 di matricula HK-2494, diasabra mainta a haye den problema y a manda un señal di emergencia. E avion tabata riba e ruta di San José del Guaviare pa Villavicencio.
Tur 10 pasahero, un piloto y un copiloto a fayece, entre e víctimanan tabata tin e Alcaldesa di Taraira, e tabata viahando cu su casa y su yiu muher.
Mesora e team di rescate a bay na e sitio di tragedia y autoridad ta haciendo investigacion pa determina kiko exacto a causa e caida di e avion aki.
