Accidente cu basta daño material na Washington

Washington – Diadabra mainta den careda di 10’or polis a bay e bocht conoci na Washington, unda un accidente basta fuerte a tuma luga.

Na yegada polis a topa cu dos auto cu bastantr daño material aribanan. Tawata trata di un Ford Escape y un Nissan Pick up.

Na e sitio nos a compronde cu e Ford Escapa tawata bayendo direccion nort, y dado momento a perde control ariba e vehiculo. Na e momento cu esaki a sosode tawata tin e Nissan pick up biniendo.

Chauffeur di e Nissan a trata na evita e boksmento door di baha caminda, pero asina mes e Ford Escape a bay dal contra dje.

Ambulance tambe a presenta y a duna un persona e asistencia medico necesario.
Takelwagen a wordo pidi pa kita e autonan for di caminda, pa trafico por sigui.