Santa Marta – Diamars mainta alarma a wordo bati pa un candela di mondi grandi na Sero Biento.
Un rato despues e situacion exacto a bira conoci, a resulta cu ta un garage grandi di auto situa na Santa Marta tawata na candela.
E imagennan cu nos tin ta danki na Brandweer Aruba.
Como tres unidad di Brandweer a yega na e sitio pa cuminsa combati e candela, cu por a ser mira di leu y cu tawata causa bastante molester pa tur luga cu ta parti pabou unda e huma ta bay.
Segun nos a compronde un persona lo a inhala huma y mester a wordo trata pa Paramediconan.
Caminda di Santa Marta a wordo cera, pa asina evita trafico stagna e unidadnan di rescate ariba e caminda.
Ariba imagennan por mira con cuanto auto a kima, no ta conoci si ta trata di autonan bieu of cu ta na e garage pa drecha.
