Sero Blanco – Dialuna mainta trempan polis ta bay un apartment complex situa na Sero Blanco, unda lo tin un problema domestico.
E siman aki ariba dia 14 ta dia di San Valentino. Ariba e dia aki lamentablemente e dama lo mester cana rond cu un wowo blauw, loke nos ta condena.
Momento cu polis a yega
Na e sitio polis a topa cu un muhe cu golpi na cara, bou di un wowo ela haya un kap door di golpi fuerte ricibi den su cara door di su pareha.
Polis a puntra e dama si elo kier entrega keho, y mesora ela bisa si.
Agentenan na nan turno a bay over na detene e homber y pidi pa transportwagen.
Algun minuut prome cu e transportwagen a yega, e muhe a cambia di idea.
Ela bisa e agentenan cu e no ta desea di entrega keho mas.
Agentenan a splike cu cos no ta bay asina, pero e por pasa warda di Recherche y splicanan e problema.
Casonan manera esaki agentenan policial por bisa ta maak mee constantemente, esta cu ta bay pa problema domestico y despues di un rato aunke con maltrata e dama ta, toch nan ta hala atras y no ta entrega keho contra e homber.
Dialuna mainta tawata un otro prueba mas.