Home Entertainment Tumberonan a lanta publico riba pia Aruba Bank a entrega regalo...

Tumberonan a lanta publico riba pia Aruba Bank a entrega regalo na Rey di Tumba 2019

SHARE

ORANJESTAD, Aruba – Aruba Bank tambe a presencia un anochi yena cu ambiente
den Carnival Harbour Arena durante fin di siman. Ey a tuma luga e competencia di Tumba 2019. Aruba
Bank ta contento di por sigui contribui grandemente na celebracion di Carnaval 65.
Un total di 22 tumbero a prepara pa por deleita e publico presente cu nan tumba. Un cantidad di hende
a bay presencia e show “bibo” pa baila y apoya e tumberonan.
Aruba Bank ta orguyoso di mira e cantidad di participante y ta spera cu e interes aki por sirbi como
ehempel p’e futuro generacion sigui cu e tradicion musical. Despues di a scucha tur participante, e
huradonan a scoge Roderick “Rocco” Franken como e Rey di Tumba 2019.
Michelle Harms di Aruba Bank a obsekia un bunita regalo na e ganado absoluto di Festival di Tumba
2019. Pabien na cada participante y ban sigui engrandece nos dushi evento di Tumba.