Hobencito di 13 aña tras di stuur pa evita cu su omo burachi core auto y trece trafico den peliger

Tanki Leendert: Diaranson den oranan di marduga durante cu polisnan di Noord tabata patruyando, riba e caminda di Tanki Leendert, un poco pariba di e rotonde Tanki Leendert nan ta topa cu un pickup blauw coriendo basta sospechoso.

Mesora e agentenan policial a dicidi di para e pickup, pa nan sorpresa nan ta topa cu un mucha homber di apenas 13 aña tras di stuur.

E hobencito a splica polis cu e ta coriendo auto pa su omo paso su omo ta basta bebi, no por stuur auto y pesey ela subi tras di stuur pa hibe su cas.