Tanki Leendert – Dialuna mainta pa mas o menos 11’or polis a bay un adres na Tanki Leendert, pa un caso di maltrato y un cacho morto.
Polis na yegada a papia cu esnan envolvi, pues segun nos a compronde agentenan lo mester a bay dos adres. Un caminda un muhe cu a wordo maltrata ta biba y e otro unda e doñonan di e cacho ta biba.
Loke a pasa ta lo siguiente. E victima a pasa su auto ariba e cacho y esaki a muri. Segun e muhe esaki tawata un accidente, esta cu no ta pa malo ela pasa e auto ariba e cacho.
Esaki no a keda asina. Algun minuut despues cu esaki a pasa, doño di e cacho a bay na e auto habri e porta y cuminsa manda mokete ariba e muhe.
E cacho cu ta uno criyoyo no tawata tin banchi of algo asina y pa mala suerte tawata ariba caya. Tin diferente factor, por ehempel e ley di cacho cu ta bisa bo cacho mester ta den bo cura.
E doño posiblemente emocional y mirando su casa jorando hopi pa e cacho cu a muri a dicidi di bay dal e chauffeur.
Mirando cu e homber a comete maltrato ela wordo deteni y hiba warda.
Na e sitio nos a compronde cu e victima a bay Poli y lo pidi un papel di Dokter pa bay warda di recherche y entrega keho contra di e homber.