Oranjestad – Un tiki di nos bibliobus cu e tempo aya rond di 1950 y despues durante su verlof na Europa sr. Hartog a cera conoci na Spaña cu e sistema di bibliobus y el a mira den dje un posibilidad magnifico pa decentralisa trabao di biblioteca. E super representacion di miembronan di Playa tabata duna, manera esnan di biblioteca a mira caba, tur rason pa haci esey. A dura un tempo largo, pero finalmente dia 28 di maart 1968 cu e prome bibliobus ta core riba nos isla. Tabata Diputado di Enseñansa, sr. Gilberto François ‘Betico’ Croes, y sr. Jan H. Beaujon, como miembro di Conseho di Consulta Cultural di Reino, ta presente ora nan a tum’e den servicio oficial. Sticusa a percura pa e compra y e transport cu bapor. E prome bibliobus tabatin un capacidad di mas o menos 1.800 buki.
Asina por corda cu sr. Betico Croes a introduci e bibliobus cu a bay di scol pa scol p’asina nos hubentud por a haya e oportunidad pa desaroya su mes lesando y como educador e tabata mira esaki como un punto importante pa desaroyo di nos hobennan pa ta líder mañan.
Algun lema na Papiamento riba e bus e tempo aya tabata: ‘Pa placer y distraccion, Bibliobus ta den accion’ y ‘Buki cu tur siguranza, ta aumenta bo enseñansa’ y ‘Sea anochi ó den dia, buki ta bon compania’.
Mayornan a opina cu sr. Betico Croes tabata bon na altura cu no ta tur mucha lo tin e suerte pa por haya oportunidad den bida pa por tin un bon educacion y bon futuro. P’esey Betico tabata preocupa pa tur mucha y hobennan, y a percura pa sea como sea traha duro pa e maximo cantidad di muchanan ainda haya forma pa cuminsa lesa. Cu mas lesamento e muchanan ta haya sa mas y asina habri caminda pa nan por siña tambe mas miho door di cuminsa lesa buki. P’esey El a percura pa e bibliobus yega te den nan bario pa crea oportunidad pa muchanan por a presta buki. Antes tabata hende cu miho recurso so, tabata haya oportunidad pa nan yiunan sigui studia. Awendia el a bira cu mas y mas hobennan ta haya oportunidad y tin derecho pa continua cu un estudio y progresa den bida. Pues mayornan mester bira mas consciente di e importancia di lesamento y sea bon mayornan cu bon curason y duna su yiunan e chens pa nan tambe progresa y haya un bon estudio. Hunto yuda e mucha y hobennan bringa pa nan logra nan bon deseonan y ser profesional den nos comunidad. E loke sr. Betico nan contento y awe hopi ta e mayornan agradecido na dje y na Dios cu a guie den su Mision di bida pa tur e mucha y hobennan di antes y awe ainda por sigui mira su frutonan di su bon trabaonan realisa pa e pueblo di Aruba.
Den e tempo moderno aki Gabinete Wever Croes a sigui cu e vision bunita aki pa progreso di nos hobennan y a bini cu e Mobile Lab siguiendo cu innovacion den tempo y creando oportunidad pa mayor progreso den un pais, y asina creando lider y profesionalnan den nos comunidad.