131
Cabuyastraat – Diamars mainta un habitante den Cabuyastraat a pidi asistencia di Polis, pa ladronicia na su auto.
Ta asina cu ora di dia a habri e doño di un Nissan Cube a bay na su auto pa subi caya y cuminsa su dia.
Pero mucho leu e no por a bay, pa motibo cu ladronnan a horta tur cuatro tire di e auto.
Algun siman atras, tawata na Tanki Leendert, cu ladronnan a horta di Nissan March. Despues di esey nan a horta algun tire mas di e autonan March.
Awor posiblemente e mesun ladronnan, a horta di un Nissan Cube. Pues lo ta bon toch pa doñonan di Nissan Cube pone extra atencion ariba nan auto.
Probablemente mirando cu e auto ta staciona pafo ariba caya lo haci esaki mas facil pa e ladronnan.
Te hasta nan tawata tin tur e tempo pa pone pida baranca, bou di e auto ora nan caba di kita e wielnan.