Di acuerdo cu Parlamentario Endy Croes den luna di december – net un dia despues cu Parlamentario Croes a publica hayazgonan nobo durante reunion publico den Parlamento di entre otro Tera Group y 24 ora.com di Patrick Paskel y Speed pa locual ta trata placanan bruto cu nan a cobra pa marketing tanto den Elmar 626 mil, RDA mas di 450 mil, Utilities mas di 362 mil cual a suma alrededor di 1.5 MIYON extra banda di 5 MIYON cu nan a cobra den gobierno cual anteriormente ya nos a publica – por a tuma nota cu Melvin Tromp a bay conferencia di prensa purbando na desvia y confundi pueblo usando caso di Lotto pa Deporte.
Mesun dia aki den Parlamento, Croes a divulga sumanan monstruoso cu Horizon Consultancy di Parlamentario Richard Arends di AVP a cobra den companianan estatal cual ta reparti den 585 mil den Utilities y 500 mil den RDA y tambe a surpasa 1 MIYON extra banda di 3 MIYON cu el a cobra for di gobierno. PMEC relaciona na Mike de Meza tambe a cobra 350 mil den RDA y IT Pro di Arnold Le Grand amigo di cas di Mike De Meza tambe a strica riba 400 mil den RDA.
Pues ta manera Croes cumpliendo cu su trabao pa informa pueblo con su placa a wordo ranca pa politiconan comerciante di AVP por tuma nota cu e dia siguiente nan ta stofia un bachi pa Melvin conoci tambe den pueblo como Donkey Tromp y ta mand’e bay purba convense pueblo cu storianan sin base. Como cu tabata net den porta di dianan di Pasco y Aña Nobo Croes a opta pa no reacciona mesora y laga pueblo gosa su dianan di fiesta trankilmente pero diaranson awor lo contesta Donkey cu tur prueba pa cera e capitulo ey.
Aunke Melvin Tromp actualmente ta un peso pluma sin ningun significacion politico, pero pa ultimo biaha lo dun’e su berdad pa despues nos continua cu nos trabaonan positivo manera prepara ente otro un ley di deporte pa nos atletanan por bin na remarke pa haya oranan of dianan liber di trabao cu pago pa asina por prepara pa competencianan internacional.