Home Police Na su trabou y den dia cla: Intento di atraco ariba dama...

Na su trabou y den dia cla: Intento di atraco ariba dama cu ta traha na entrada di Parke Arikok. Esaki di dos biaha

 

Parke Arikok – Diadomingo atardi pa mas o menos 5’or polis di Santa Cruz a bay pura na entrada di Parke Ariko, un señora lo a sinti cu nan kier a atrake.

Na yegada di polis nan ta topa cu e señora cu ta traha na entrada, cu a caba di traha y a drenta su auto. E ora ela conta polis cu dos hende homber lo a sali di e mondi, y bin ariba e auto.
E mesun dama aki a yega di wordo atrake na e mesun luga aki, basta tempo atras ora ela caba di traha.

For di e tempo ey e no ta sali cu placa cune, mas cu claro un bon precaucion paso mira kiko a bolbe pasa y na e mesun luga cu ta su trabou.

E tawata conta polis y yora di susto di kiko a pase. Momento cu ela miranan bin ariba e auto esaki tawata na lock, y pa un rato ela freeze pero despues a primi gasolin y bati alarma.

Tin seguridad cu a compañe na su auto y bay sin sa cu tawata tin hende scondi ta mira tanto e seguridad y empleado di parke.

Despues di e incidente aki, un agente policial femenino mester a stuur e auto di e señora y hibe su cas. Asina spanta e tawata.

Slachtofferhulp a wordo poni na altura pa yega na su cas na San Fuego.