Rotterdam: Diamars den careda di 1’or di merdia, na Design College na Rotterdam un alumno di apenas 16 aña ta wordo tira varios biaha pa aparentemente su ex guy di 31 aña, e hobencita ta fayece mesora na e sitio.
E Damita tabata un alumno di 4de klas di e scol Secundario aki, Designcollege ta un VMBO, un scol unda alumnonan ta haya e vaknan standaard, combina cu algun vak di practica.
E Damita tabata unda ta warda baiz na momento cu su ex guy di 31 aña a los varios tiro den su direcion y ela ricibi un of mas impacto di bala, segun testigonan Bekir lo a los como 6 tiro. E damita a fayece un rato despues na e sitio. Mesora a avisa autoridad y tambe ambulance, personal di ambulance a trata na reanima e damita pero sin resultado.
Autoridad a avisa su famianan y tambe a pidi slachtofferhulp pa asisti famia di e victima y tambe un grupito di alumno cu a presencia e tiramento aki.
Su Ex guy Bekir E. ta un conoci di husticia, ambos victima y agressor ta di desendiente Turco. Bekir E. un rato despues di a tira e hobencita fatalmente, polis a logra pone man riba e sospechoso Bekir E.
E caso ta bou investigacion y e scol a cancela tur celebracion cu tabata pendiente pa e dianan di fiesta benidero.