Tanki Leendert: Durante henter siman por a mira un dama venezolano estafando hendenan local na un shoppingmall caminda tin tres restaurante, un fastfood grandi, un restaurant di sushi y tambe un restaurant di un cadena Colombiano.
E dama ta para pafo di e Restaurantnan y ta pidi hende cumpra un cuminda pe, pa asina e por drenta den e restaurant. Tur dia tin hendenan local ta cay den su trampa, mane e mira hendenan local e ta acercanan y ta bisanan, cu e ta un dokter na Maracaibo, cu e situacion na su pais ta hopi malo y pesey e ta bendiendo algun producto pa hiba cuminda pa su pais.
E ta bende diferente cos dushi, entre otro cocosette, paki buskuchi dushi chikito, y aparentemente cos dushi ta cabando y ta bendiendo awo te hasta pasta di djente colgate.
E ta bendenan na dos of 3 biaha e prijs cu e cosnan aki costa den un supermarket, na un supermarket local un Cocosette ta costa 2 florin y e señora aki ta bende na 5 florin.
Desesperacion pa placa ta pone bay para warda riba e parkinglot pa mira ken ta yega para su auto pa e core ofrece productonan aki.
Diadomingo merdia e tabata den e restaurant, sin miedo ela para banda di un hoben cu uniform di Guarda nos Costa bisti y a bende un señora un producto. E hoben di Guarda Nos Costa no a pone tino kiko tabata pasando banda di dje na e counter.
Ta bira tempo pa autoridad actua paso ta tur dia e dama Venezolano aki ta pasa molestia hende cu benta di su cosnan y pueblo ta haya duele y sa di e situacion, ta saca un man yud’e y e ta estafandonan. Paso si bo ta asina pober, con bo a yega Aruba, bo ta semper bon bisti, con ba yega na e productonan y pakiko asina caro.?
Na Aruba mester cuminsa bin un mihor control, no por ta asina cu riba caya y sin permiso hende por cana molestia otro hende bendiendo producto manera buskuchi dushi cu pasta di djente, pesey na Aruba nos tin supermarket, cu tin permiso pa bende e productonan aki.
Aruba tin suficiente caba cu e tantisimo bendemento di rifa y pidimento di placa pa teamnan di deporte. Awo ta hende di afo ta bin Aruba pa pidi placa No POR. Autoridad mester haci algo cu e señora aki, e ta circula diariamente banda di e mallnan na Tanki Leendert probablemente e lo por ta kedando den e area aki y tin basta dia ta operando eybanda.