Bubali – Dialuna atardi tanto polis y ambulance a bay un accidente di trafico cu hende herida.
Na cuminsamento tawata tin un poco confusion di e sitio exacto, pero na final a logra haye.
Esaki tawata na e crusada pariba di Cheng Supermarket na Bubali.
E autonan envolvi ta un Nissan Cube y un Kia. Falta di preferencia a hunga un rol.
Segun nos a compronde e Kia a lora dilanti e Nissan Cube causando asina un accidente.
E Nissan tawata bayendo pariba esta direccion Save A Lot ora cu e Kia maneha pa un dama a lora na su man links pa bay direccion Blue Village.
Dos dama den e Kia a resulta herida, esta e chauffeur mes y un señora di edad.
Paramediconan a atende cu nan.
Takelwagen mester a presenta pa move e autonan for di caminda, mirando cu nan no por a move ariba nan mes un forsa.