Columbusstraat, Oranjestad: Diabierna pa mas o menos 3’or y 35 di marduga polis ta bay pa atende cu un caso den cual un adicto ambulante lo tabata molestia habitantenan di un cas den Columbusstraat.
Na yegada e habitante a conta polis cu un adicto ambulante cu tabata tin hopi hamber a dicidi di bati na porta di su cas y pidie cuminda, pero e habitante no tabata tin nada e momento ey pa dune di come.
E habitante a splica polis ta cua adicto, mesora e agentenan tabata sa cua. Polis a bira den Caya Betico Croes y a bin topa cu e adicto ambulante aki.
E adicto ambulante a bisa polis cu enberdad ela bati na porta di e cas den Columbusstraat y a pidinan poco cuminda, paso e tin masha hopi hamber mes. Polis a papia cu e adicto y ela compronde cu e no por bay bati na porta di cas di hende pa pidi cuminda.
