Home Police Dos homber ta huy despues di un persecusion, un dama a keda...

Dos homber ta huy despues di un persecusion, un dama a keda deteni

Tanki Flip – Diabierna anochi algo prome cu 10’or patruya lo a bay pa controla un vehiculo, esaki tawata den area di Playa.

Segun nos a compronde, e vehiculo un Chevrolet Optra color berde a nenga di sigui instruccion di polis. Den Driemasterstraat a start un persecusion.

Esaki a bay termina den e rooi na Tanki Flip. Den e vehiculo lo tawata tin tres persona, dos homber y un muhe.
E hombernan lo a baha di e auto y perde den e scuridad di anochi, e dama a keda den e auto.

A resulta cu e dama ta indocumenta. Polisnan a busca pa un rato altura di Cunucu di Jimmy, pero no ta logra haya e dos hombernan.
E dama a keda deteni y transporta pa warda.