174
Best of the Best Taekwondo Challenge ta conta cu participacion di Noord Taekwondo Center, E.T.U Taekwondo Foundation, Impact Taekwondo, San Nicolas Taekwondo Center, Aruba Taekwondo Academy, Stichting Tiger Taekwondo Academy y Brazil Taekwondo Stichting.
Aruba su contrincantenan ta bin for di: Canada, Chile, Corsou, Surinam, USA, Colombia, Ecuador y Venezuela. Ta bay tin e siguiente premionan unda cu e atletanan, coach, referee y prensa por competi. Tur atleta tin e oportunidad di gana un trofeo of medaya. Tin un premio pa Best Coach, Copa pa Best Team unda cu 4 atleta di cada scol di Aruba ta bay bringa pa e Copa di Best Team aki y pa e miho bringadonan den e categoria di Infantil, Cadet, Junior y Adulto. Nos a inclui e refereenan aden tambe, pero tin un disputa den esaki.
Aruba ta conta cu un referee internacional cu a para referee den Olimpiada na London y un otro referee cu a para referee den Olimpiada di Brazil cu ta Guillermo Rodriquez di Venezuela.
Brazil Taekwondo Stichting ta haci un yamada na nos pueblo pa bin apoya nos atletanan, esaki ta bo unico oportunidad pa mira nos atletanan bringa den Centro di Bario Brazil diasabra dia 17 di November.
