Home » Bus di Salud den Bario San Nicolas y Sta Cruz

Bus di Salud den Bario San Nicolas y Sta Cruz

by Admin
0 comment 64 views

 

 

Manera anualmente ta e caso dia 14 di november ta dia Mundial di Diabetes. Riba e dia aki rond mundo ta pone atencion riba e tema di Diabetes (malesa di sucu).

Dia pa dia mundialmente e cantidad di persona cu tin diabetes ta bira mas hopi y e edad ta baha. Na Aruba e cifra di persona cu tabata usa remedi di diabetes na 2014 tabata casi 8000. Mester menciona si cu tin un cantidad di persona cu tin sucu halto sin cu nan sa. E situacion aki ta hopi peligroso pa nan salud. Banda di esaki tin un cantidad di persona cu tin e sucu altera (pre-diabetico) dus nan sucu ta mas halto cu normal pero no a jega e punto pa wordo clasifica como diabetico.

Tur hende por haya Diabetes pero tin cierto condicionnan di salud cu ta pone cu bo chens pa haya diabetes ta bira mas grandi. Pa menciona algun:

– herencia, si bo tin familiar cu tin diabetes e chens pa haya diabetes ta mas grandi

– obesidad (peso dimas)

– falta di actividad fisico y nutricion no saludabel

Sigun Federacion Internacional di Diabetes (IDF – International Diabetes Federation) 80% di e casonan di diabetes por wordo preveni dor di haci cambio pa un bida mas saludabel, esta come mas saludabel y haci sificiente actividad fisico.

IBiSA ta invita Aruba henter pa pasa check bo salud riba e Bus di Salud riba dianan 12 di November na Carnival Village for di 9or te cu 3or y dia 15 di November na MFA na Santa Cruz for di 8.30 pa 3’or.

No mester ta na yuna pa haci e chekeonan y corda presenta cu bo carchi valido di AZV.

 

Pa mas informacion di e programa por yama IBiSA libremente na 5824987 of manda un email pa [email protected]. Tambe por bishita e Fb page di IBiSA Aruba pa mas informacion.

 

IT/SS/MvE

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio