Un paar di siman pasa Otmar a declara cu e proceso pa yega na un director nobo pa Serlimar ta den su fase final y cu esaki lo cuminza traha entrante di 1 di november 2018. Sinembargo siman pasa dialuna, dia 22 di oktober 2018, pa sorpresa di tur hende Otmar a core presenta e director nobo. Mas remarcabel ta e hecho cu e director a cuminza traha e dia despues, esta dia 23 di oktober 2018. Esaki cu despues di cu 16 candidato a pasa den e proceso di solicitud, pa despues scohe supuestamente e mihor entre e tresnan cu a keda, di cual esun escohi su test psicologico lo a sali mihor cu tur e otro dosnan.
Esaki mesora a lanta nos curiosidad y nos a cuminza haci nos preguntanan. Dicon tanto pura asina ey? Tin cos di sconde? No kier cuestiona e persona? Ki screening tabata tin?
E preguntanan aki a conduci cu nos a haya varios intergoratorio cu a pone nos pensa cu enberdad tin algun asuntonan cu ta pone e imparcialidad di Deloite na duda, y tambe si a haci di berdad un “background screening” di e persona aki. Alabes a drenta algun informacionnan pa cual, ya caba nos a comenta riba fb siman pasa diaranzon, y cu awe nos kier haci’e publicamente y haci nos preguntanan al respecto.
- Ki berdad tin cu e persona aki tabata tin un negoshi di lingerie cu a bai malo y cu haci cu el’a keda cu hopi debe? Ta berdad cu basta “beslag” a ser poni riba dje cu esaki tabata “haunt” e? Y si acaso esaki ta e caso ainda? (E pregunta aki ta pa loke ta trata su eventual vulnerabilidad financiero).
- Supuestamente na Bopec, unda cu e tabata traha, elo a haya un of mas check pa cumpra cosnan di Pasco, pero ela cumpra otro cosnan personal? Esaki ta berdad? Ta berdad cu, en todo caso, e no por a responsabilisa su mes pa e suma completo? (E pregunta aki ta pa wak si e persona aki por ta uno honesto y confianbel).
- Kico tin di berdad cu na e mesun Bopec e tabata haña placa pa viahenan di trabou, pero a converti esakinan den vakantie personal? Ta berdad cu esakinan tabata motibonan cu Bopec no kier a sigui cune mas? (E pregunta aki ta pa evalua no unicamente su honestidad, sin su arte manipulativo).
- Kico a pasa na Digicel tambe cu al final a conduci na su retiro forza? (Esaki ta haya claridad si no tabata tin algo straño cu su retiro).
- Por ultimo, diadomingo tabata circula un video riba rednan social cu den nos opinion ta “voor een directeur onwaardig”; particularmente cu ta hopi bisto cu ta algo cu a ser filma cu consentimento di esnan involvi. Esaki ta un caso cu ta “algemeen bekend”, e pregunta ta cu si Deloitte tabata sa esaki y dicon a wanta e informacion aki atras? (E pregunta aki mas bien ta pa cuestiona e calidad di e test psycologico cu a wordo haci, mirando cu e acto cu ta riba video, ta trata toch di un hende cu mente peturba, na unda cu trahadornan di Serlimar, especialmente esnan femenino, mester tene cuenta cu ne).
Kico ta e motibonan cu e persona aki mester a cuminsa traha asina lihe? Of kizas hustamente esakinan ta e motibonan cu e persona aki mester a cuminsa traha asina lihe como director, prome cu su nomber a bira conoci?
Si e 5 puntonan ariba menciona ta afirmativo, ainda por ser bisa cu e persona aki ta esun miho pa e funccion aki, aparte di e hecho cu henter e maneho di permisiologia ta uno anti-ARUBIANO?? Nos por papia di un persona integro aki? Sigur esaki no ta sirbi como un “voorbeeldfunctie” pa e otro trahadornan di e compania.
Na Corsou tin casonan unda cu a haci “oneigenlijk gebruik” di fondo di banco pa cosnan priva, cu a hiba cu e persona a perde su trabou y funcion, ya cu e no tin e “voorbeeldfunctie” mas.
Apesar cu por tin hende cu ta bisa cu e asunto di e video ta un asunto di su bida priva, nos sa tambe cu den caso di un miembro di Management Team, algo di su bida priva a ser uza contra di dje, pasobra funcionnan asina ta ser cataloga como “voorbeeldfunctie”. Pues aki ta bisto cu ta midi cu diferente duimstok ora ta trata bida priva di un ARUBIANO.
Es mas, nos kier ripiti aki, cu e puntonan ariba menciona tambe ta lanta duda den e test psycologico, particularmente riba e ultimo punto paso no normal cu un hende ta filma su mes den un situacion asina.
Ta di spera cu Pueblo lo por haya un contesta riba e preguntanan aki y ta di spera cu no solamente haya reaccion di e gobierno POREDmep, pero tambe di Parlamento den su totalidad, cu parce manera te den “winterslaap”!