Dos curpa sin bida haya na Santana di Cacho, un den lama, un riba tera y tambe Polis a detene 3 ilegal

Awe diasabra madruga pa 3:55 unidad di kust surveillance durante patruya ta bin topa cu un boto na altura di santana di cacho. Ta pidi di biaha pa asistencia di patruya di san nicolas . Tambe polis maritimo a presenta pa duna un man y kustwacht.

Ta asina cu despues ta logra detene 3 ilegal  no mucho leu di e sitio di e sucedido. Kust surveillance un rato despues ta bin topa cu un curpa sin bida no mucho leu di unda a haya e boto. Pa 7:15 dr Texier ta constata morto. No a haya nuin identificacion di e persona masculino sin bida.

Ta pidi pa helicopter di kustwacht y na unda durante un busceda nan a señala un curpa sin bida den lama .

Ta trese e curpa tera y na unda dr Texier ta constata morto pa 8:45 di un otro ser masculino cu tampoco tin identificacion riba dje.

Departamento technico a jega na e sitio tambe pa asina hasi nan investigacion. Slachtofferhulp tambe a wordo poni na altura .

Despues patruya ta bin topa cu un persona mas den colony y ta bay over na detene y asina pase pa personal di GNC.