Sero Colorado: Diasabra mainta despues cu autoridad a topa cu dos curpa y tambe a logra pone man riba 3 persona cu lo a drenta ilegalmente den oranan di marduga nos isla. Autoridad a sigui cu busca den e area di Seroe Colorado pa mas ilegal.
Durante e buskeda rigoroso aki, autoridad ta logra pone man riba un ilegal cu tabata canando pia bou, ela wordo deteni y a transporta
Tambe pafo di Colony riba e caminda pazuid di KIA, durante control un unidad di M.E. (Mobiele Eenheid) ta bin topa cu un homber, bisti cu un flanel cora cu tabata canando. Nan a papia cune y aparentemente lo ta trata di un persona cu lo tin un tempo na Aruba y no tabata sa e adres di cas unda e ta hospeda, e momento ey. No ta sigur Si por ta un persona indocumenta na Aruba.
Autoridad a sigui cu e controlnan den Colony y becindario. En total 12 persona lo tabata tin abordo di e lancha cu a drenta den oranan di marduga. Cual 5 persona a keda deteni y 2 persona a perde nan bida, durante cu nan tabata yegando nos isla.
Ilegalnan ta sigui drenta nos isla y tur biaha den e mesun areanan. Mayoria ta drenta na Santana di Cacho, ta bira tempo pa pone un stacion di Guarda nos Costa eybanda, pa trata na frena un poco e yegada di ilegalnan den Colony, cu a bira un problema di casi tur siman of varios biaha pa siman cu ilegalnan ta drenta.
Mayoria ta logra burla di autoridad y ta keda Aruba. Puntra cuanto a drenta sin cu autoridad ta na altura, nan ta drenta bou nanishi di autoridad, haci nan fechoria na Aruba y bay bek. Te hasta tin varios cu no ta prome biaha ta wordo gara y nan ta asina sigur cu si nan wordo gara nan ta bolbe purba nan suerte mas despues, te oranan logra drenta y keda Aruba.
E controlnan ta severo pero no severo suficiente, No mester sconde informacion pero mester duna pueblo e informacion pa pueblo ta alerta di e problema grandi cu Aruba tin cu e ilegalnan cu ta drenta Aruba manera ta nan cas nan a yega.
Autoridad mester avisa y concientisa e pueblo cada biaha cu ileganan drenta pa nan ta alerta y cu nan por duna tips pa yuda den combati cu hendenan ta keda ilegalmente na nos isla. Paso den e viahe nan aki nan sa drenta cu arma y droga tambe.
UPDATE: Den careda di 1’or p.m diasabra, polisnan ta logra detene dos homber mas pazuid di Centro Colorado.