Cumana: Diabierna mainta algo prome cu 8’or di maint polis ta haya un informacion cu na e scol basico Colegio Conrado Coronel lo a yega un mucha, cu no por papia bon y ta mustra un mucha geestelijk handicap. Mesora e scol ta bati alarma, pero e mucha no ta keda na e scol e ta sigui cana.
Despues di un rato polis ta haya un yamada cu tin un mucha geestelijk handicap canando na altura di ex Codemsa bayendo direccion pabou. E mucha tabata canando cu un cacho, e mucha tabata bisti cu un flanel pa robes y su paña tabata manera sushi.
Mesora polis ta bay direccion di ex Codemsa y enberdad ta topa cu e mucha aki canando cu un cacho, nan a purba papia cune pa puntre unda e ta biba, pero e no por a bisa nan, e tabata manera expresa cu e ta bay busca su ruman y e tabata bisa algo manera auto y tabata mustra riba auto.
Na e momento cu nan tabata purba na saca afo ken e mucha aki ta, ta drenta un informacion cu na Santa Cruz un persona a yama bisa cu su yiu special ta perdi y cu e ta canando cu un cacho.
Mesora e agentenan a hinka e mucha den e patruya pero e pober cacho si a keda atras na altura di e Lodge dilanti di Codemsa.
Nan a hibe na un adres pero no tabata e adres corecto y e ora a opta pa hiba e mucha warda di polis na Santa Cruz pa ora e tata yama bek, e mes por bin buska su yiu.