Paardenbaaistraat – Diamars mainta empleadonan di tanto Dimas y Departamento di Labor a hayanan obliga pa sali di e edificio. Motibo un biaha mas ta e holor fuerte di riool, cu a penetra den e edificio.
Rond di 9’or di mainta
Pa mas o menos e ora aki, empleadonan a cuminsa haya e holor desagradabel, cu a cuminsa segun nos tin entendi den e parti di DIMAS.
Esnan cu ta traha paden a cuminsa puntra otro, si nan tambe a nota e holor cu tawata hopi fuerte.
E momento eynan, aparentemente ya tawata tin hende cu a sintinan malo y te hasta lo haya sacamento.
Otro empleadonan a hayanan obliga ta bay cas malo.
Holornan straño, problemanan cu airco, holor y gas fuerte cu ta sali di e sistema di riool ta problemanan grandi y serio cu e edificio aki ta enfrenta. No ta prome biaha cu un of mas di e problemanan aki ta presenta.
E ta algo continuo y mester haci algo, paso ta salud di hende bo ta hungando cune.
Esnan concerni mester haci investigacionan mas lihe cu ta posibel, ariba e holor y e gas cu ta den e luga aki.
Kizas esnan cu ta traha tur dia aña den y afo ta inhala e holor sin cu nan sa, door cu nan a “custuma” cune.
Cu tur e consecuencianan cu elo trece cune pa nan salud.