Illinois, Estados Unidos – Drugs enforcement Agency (DEA) a registra e yiu homber di Joaquin ‘El Chapo” Guzman riba e lista di MOST WANTED FUGITIVES.
Ta trata di e yiu homber di 35 aña, Jesus Alfredo Guzman Salazar, ‘alias ‘Alfredillo’.
Segun DEA e ta responsabel pa e logistica di transportacion di cargacionnan grandi di droga for di Latino America pa Estados Unidos.
Alfredillo a wordo registra riba e lista, hunto cu varios otro baronnan di droga, manera Nemesio Oseguera Cervantesa alias ‘ El Mencho’ y e business partner di su tata Ismael ‘El Mayo’ Zambada Garcia.
Alfredo dos aña pasa a keda secuestra door di algun sicario arma, na momento cu e tabata na un fiesta di cumpleaños den un restaurande luhoso.
E sicarionan aparentemente lo tabata traha pa e Baron di droga ‘El Mencho’. Alfredillo a wordo laga den libertad despues cu EL Mayo, e business partner di su tata a intermedia.
