Home Police Chauffeur bou influencia a perde control y dal contra un mata di...

Chauffeur bou influencia a perde control y dal contra un mata di Kwihi

Mahuma – Diabierna atardi den careda di 6’or polis y ambulance a bay altura di e crusada di Mahuma, cu ta caba cerca di e heki di Airport pa un boksmento.

Na yegada di polis, tawata tin algun persona cu por duna EHBO, y nan a bisa polis pa ambulance yega mas lihe door cu e persona tin ribchi kibra.
Esaki por causa daño interno basta serio si e perfora un organo.

Segun nos a compronde, e chauffeur di e Nissan Sentra a perde control den bocht y dal contra un mata di Kwihi.
Den e impacto ela haya golpinan serio, cu tawata strobe hala rosea bon.

Esnan cu tawata atende e chauffeur a nota cu e tawata bou influencia, no di alcohol pero di droga.
Esaki tawata causa un heart beat iregular.

Despues cu paramediconan a prepare, nan a sali direccion Hospital cu e chauffeur.