Dialuna mainta durante reunion den Parlamento tabatin eleccion pa Presidente y Vice Presidente di Parlamento pa aña parlamentario 2018-2019. Parlamentario Alan Howell di Fraccion di POR a wordo reelegi como Vice Presidente di Parlamento.
El a gradici e 13 parlamentarionan cu a deposita nan confiansa den su persona, es decir, e 12 parlamentarionan cu ta sostene coalicion y un di fraccion di AVP a deposita nan voto di confiansa den Alan Howell pa representanan como Vice Presidente di Parlamento.
E echo cu un parlamentario di oposicion a vota pa Alan Howell no ta algo normal y por hasta wordo cataloga como historico.
Alan Howell tabatin palabranan di gradicimento special tambe pa su famia, pa su bisiñanan, pa San Nicolas, pa su votadornan, pa su coleganan di partido POR y pa pueblo en general pa e gran sosten ricibi.
El a manda palabranan di pabien tambe pa Parlamentario Ady Thijsen cu tambe a wordo reelegi como Presidente di Parlamento cu 12 voto na fabor.
Finalisando Alan Howell a compromete su mes pa sigui representa pueblo den su totalidad na e miho manera posibel tanto paden como pafo di Parlamento.