Ciudad di México, 1 di augustus 2018
E modernisacion di e infrastructura energetico pa habri porta na un generacion electrico via
fuentenan limpi ta un prioridad pa Latino America. E islanan den Caribe tambe por uni na e
tendencia pa inicia su transicion na un sistema energetico nobo cu ta mas limpi, eficiente y
sostenibel, contribuyendo cu prijsnan mas competetivo na corto plaso.
Siemens AG ta un compania Aleman cu nan oficinanan principal situa na Berlin y Munich. Nan
ta un di e companianan industrial di mas grandi na Europa encarga cu electrificacion,
automatisacion y digitalisacion por medio di solucionnan inovativo.
Siemens por aumenta e competencia y desaroyo economico den e islanan Caribense, na mes
momento contribui na un miho medio ambiente por medio di implementacion di tecnologianan di
inovacion enfoca riba electrificacion, automatisacion y digitalisacion. Esaki ta permiti un
modernisacion energetico.
Jose Aparicio, Vice Presidente Ehecutivo di Bentas di Region Latino Americano di Siemens
Power and Gas a expresa cu: “E paisnan y su industrianan mester di procesonan di produccion
stabil, disponibel y confiabel. E ciclonan combina cu turbina di gas di Siemens, cu su diferente
beneficionan, ta hopi mas eficiente, su operacion ta mas flexibel cual ta permiti nan adapta na e
carga di e mercado local y ta contribui tambe na un miho medio ambiente.”
Mirando e ultimo desaroyonan na Aruba, e esfuersonan pa locual ta progreso tecnologico y
interes pa percura pa un miho calidad di bida na su ciudadanonan, Aruba ta reuni e
cualidadnan perfecto pa desaroyonan den futuro.
E compania Aleman cu mas di 170 aña di existencia den e mercado, tin un bista amplio di e
portofolio di solucionnan pa plantanan di energia di tur tamaño of rango, cu turbina di biento di
4MW hasta turbinanan grandi di mas cu 565MW cada uno.
“E turbinanan industrial di e portofolio di Siemens den e rango di 20-35 MW, integra den e
configuracionnan mas eficiente, ta ideal pa cumpli cu e demandanan di e mercado di Aruba.
Nan a wordo mundialmente altamente proba den operacion comercial,” Jose Aparicio ta
comenta.
Tambe e solucionnan aki por ta disponibel na corto plaso, yudando e transicion na sistemanan
mas limpi, cu no ta depende na combustibel pisa, cu por wordo duna den un tempo
aproximadamente di un aña.
Igualmente Siemens ta bay mas leu di e generacion di electricidad, ofreciendo modelonan di
negoshi holistico cu ta inclui transmision y distribucion electrico, manera modelonan financiero
traha na medida di inversionista den region. Esaki sin conta cu otro efectonan positivo cu e tipo
di proyectonan aki por produci manera capacitacion, training y aumento di competencia den e
industria local y nacional.