Pos Chikito: Diasabra algo pasa di 2’or y mey di marduga, presencia di polis ta wordo pidi na un adres na Pos Chikito.
Na yegada nan ta topa cu un persona kende a bay mustra polis unda Djoedjoe a keda benta despues di a wordo severamente maltrata pa un grupo di persona.
E persona aki a conta polis cu e tabata testigo di con e grupo di persona a yega, baha for di un auto y a maltrata e conocido adicto ambulante di Pos Chikito “Djoedjoe”, cu palo.
Despues cu e grupo a caba nan a bandona e sitio den un auto, di cual polis tin tur datos caba.
Djoedjoe a keda seriamente herida, cu hopi sla na cabes, e tabata sangrando bastante for di nanishi, su wowo rechts tabata full tapa.
Mesora e agentenan na e sitio a pidi pa un ambulance.
Na yegada di ambulance, personal di ambulance opta pa transporta Djoedjoe cu urgencia pa hospital.
Error: Contact form not found.