Home Police Pelea cu mandamento di botter y piedra ta caba cu dos persona...

Pelea cu mandamento di botter y piedra ta caba cu dos persona herida y 2 dos persona deteni ( Video Attached)

Shiribana: Diasabra pa mas o menos 3’or y 35 di marduga, varios unidad di polis ta wordo manda cu hopi urgencia na Shiribana, na altura di Loxing Supermarket, pa un pelea cu mandamento di botter y piedra, e pelea aki tabata entre 4 pa 5 persona.

Na yegada di e prome patruya, nan ta topa cu un dama herida cu lo a haya un piedra of botter na su wowo, e patruya mesora a pidi pa refuerso pa asina nan por a sigui un Honda fit, den cual e agressor, un tal Junior lo a huy den dje.

Un rato despues nan ta bin topa cu e Honda Fit shinishi, den e caminda di tera dilanti Subway bay zuid. Den e auto tabata tin un dama cual ta pareha di e Juni cu tabata wordo busca. Polis a detene e dama y a pidi pa transportwagen transporte pa warda di Shaba.

Na momento cu mas patruya a yega dilanti Shap e victima no tabata na e sitio mas, e lo a bay Polie den un auto particular. Despues un otro patruya a pasa dilanti Shap nan a bin topa cu un persona cu tabata lomba sunu y e ta admiti cu e ta Junior cu tabata den e Honda Fit. E tambe a keda deteni y transporta pa warda di polis.

Despues cu polis a caba na e sitio na Shiribana, nan ta haya un informacion cu dos persona herida a yega Polie y nan a bisa cu nan a wordo herida den e pelea cu tabata tin un rato prome na Shiribana. Polis a bay na polie pa tuma nan declaracion.