119
Sabana Grandi – Diadomingo anochi 10:50, polis y ambulance a bay ariba e caminda di Sabana Grandi.
Prome informacion tawata bisa cu auto a dal un persona dilanti 88 Foodstore, y cu e persona lo ta ariba caminda.
Na yegada altura di Shahai no tawata tin ningun persona ariba caminda.
Despues ariba e crusada cu ta bay Sabana Grandi, mas pabou nan ta topa cu e homber herida sinta mey mey caminda.
Un ambulance cu pashent abordo y tawata cerca, a pasa mes ora tira un bista ariba e homber herida.
Despues di algun rato un otro ambulance a yega.
Segun nos a compronde e homber aki lo a sali di un bar poco mas pabou, y posiblemente bayendo su cas.
Pa un of otro motibo e tawata mey mey caminda, momento cu un Mini Van bayendo direccion pariba a dal e y sigui bay. Algo di condena.
Ela haya golpi duro altura di su wowo y tamba un kap na banda di su cabes.
Ela wordo hiba hospitaal, caminda cu si ta bon test lo wordo haci na su cabes pa e golpi serio cu ela ricibi.