Venezuela – Aruba
Ayera tardi un pareha Colombiano biba hopi aña na Aruba, ta haya nan mes envolvi den un accidente di trafico fatal. Nan lo tawata den un Chevrolt Caprice.
Segun nos a compronde, e señora aki yama Ilsy Beatriz Segrera Cruz tawata traha paden na Citgo Caya Grandi.
Señora Ilsy aparentemente a bay pidi ayera mainta liber, pa por biaha pa Colombia via Venezuela.
Esaki tawata relaciona cu fayecimento di su sobrina.
Señora Ilsy y su casa ta misioneronan di e Iglesia Sion Aruba.
Despues di yega aeropuerto di Venezuela Maiquetía, nan a subi auto cu lo mester a hibanan na nan destino final cu ta Santa Marta.
Rond di 5’or ayera atardi e auto cu nan tawata den un Chevrolet Caprice a dal frontal contra un truck, caminda e señora Ilsy y su casa y tambe e chauffeur ta fayece.
Señora Ilsy tawata tin mas o menos 10 aña trahando na Citgo Caya Grandi (antes Valero).
Nos kier a manda un palabra di condolencia y hopi forsa na e famia den e momentonan dificil aki.
