Directiva a entrega retiro door di presion politico
ORANJESTAD, Aruba – 21 di Juni 2018: Parlamentario Michael Lampe di Fraccion di AVP ta hopi preocupa cu e situacion di naturalesa, kico tur ta pasando cu Parke Nacional Arikok. Naturalesa ta importante pasobra e ta e rosea di comunidad y ta bida. Parke Arikok ta un deber y un derecho di tur hende pa ta alerta na momento cu e ta den un situacion di crisis, di peliger, manera e ta aworaki.
Fraccion di AVP a ricibi e noticia y tambe a ricibi un rapport for di e directiva di Parke Arikok cu a tuma nan retiro for di nan posicion. Asina aki tin un bashi p’e proteccion di Parke Arikok na e momentonan aki y e no ta beneficia e naturalesa, e cuido di parke. Den e rapport e motibo principal cu nan a trece padilanti ta cu Minister di Medio Ambiente, Otmar Oduber, ta poniendo hopi presion riba nan y menasanan. E presion poni riba e directiva ta pone cu nan no por funciona mas na e manera responsabel haciendo nan trabou bon den proteccion di naturalesa di Aruba.
Nan no por proteha bon e parhanan y areanan cu ta cay bou di Parke Arikok, tambe e proteccion di parke nacional cu na e momentonan aki ta pasando. E crisis aki ta crea p’e minister cu mester tin naturalesa na pecho, pero awo e ta crea un situacion pa empeora e retonan cu parke tin. E directiva tabata traha duro pa su empleadonan p’e retonan cu tabata existi caba, pa yega na solucionnan.
Aworaki minister a crea un situacion mas alarmante, un crisis cu no ta beneficia Aruba su naturalesa. E no ta beneficia parhanan, medio ambiente y parke. Loke cu minister ta haciendo despues di a menasa y trece obstaculo p’e directiva por funciona, nan a duna un rapport y trece noticia di baha for di nan funcion pasobra no por traha mas bou di esaki. ‘Directe aanleiding voor het aftreding is het onstaan van een bestuurlijk dilema’, esaki ta un dilema crea door di minister. Den e rapport ta poni cu minister no ta duna e directiva e espacio como NGO directiva y dunando di trabou pa haci nan trabou. Tambe ta poni cu minister lo trece otro instituto y nan lo tin e maneho riba Parke Arikok y Spaans Lagoen.
Na e momentonan aki minister ta haciendo esaki pa menasa un directiva cu sa kico nan ta haciendo pa naturalesa. Ta menasa profesionalnan cu conoce kico ta miho pa Aruba, pa naturalesa y parke. Minister ta menasa den e forma aki creando un crisis grandi na e momentonan aki di situacion di parke nacional. Fraccion di AVP lo tene esaki di cerca y controlando e decisionnan cu ta pasando.
Parlamentario Michael Lampe ta kere cu esaki ta un forma di dictadura, unda ta pone presion y sed pa poder mustrando cu e ta riba poder y ta tuma decisionnan, unda e sa cu pa un NGO tuma na beneficio di nos naturalesa. E situacion aki ta uno hopi serio y Parlamentario Lampe tin naturalesa na pecho. No por hunga politica cu medio ambiente, parke y parha. E situacion aki ta touch cu cada un hende riba e pais aki y e ta algo di lamenta.