160
Rudolf Arendsstraat – Dialuna atardi polis a ser manda cu urgencia den Rudolf Arendsstraat, caminda cu lo tin un homber di edad tur na sanger ariba caminda.
Na yegada di polis, ya ambulancenan tawata na e sitio.
Prome informacion cu a drenta, mirando e cantidad di sanger cu e persona lo por a wordo hinca.
Personal di ambulance a controla e curpa, pero no a haya ningun rastro di violencia.
Loke si nan a constata, cu e homber lo a saca masha hopi sanger via su boca y tambe nanishi.
Ariba caminda agentenan a cera e area, pa si acaso por ta trata di un crimen.
Por a mira un paña y un slof, tur cubri cu hopi sanger.
Personal di ambulance por a ser mira ta sali for di e cas cu varios remedi.
No ta conoci si e homber a fayece ariba caminda of den ambulance.
Vocero Policial 7:40 a duna prensa un relato cortico di loke a pasa.
” 19.15 Dokter Texier a constata morto di e persona. Ainda falta pa e familiares wordo poni na altura. Ta un persona masculino cu tin canser. Dus morto natural”.
Slachtofferhulp a ser avisa y den careda di 8’or pasa polisnan a bandona e sitio. Pues slachtofferhulp a keda atende cu e famia, cu momento di e incidente, no tawata na altura.
For di polis nos a haya sa identidad di e persona.
Ta trata di Daniel Cosme Pablo, Aruba 27 september 1943.
Nos ta manda palabra di condolencia na famia di e fayecido.