Home » Preparando pa e grandioso “MetaFit Walk & Run”

Preparando pa e grandioso “MetaFit Walk & Run”

by Admin
0 comment 84 views

ORANJESTAD, Aruba: Empleadonan di companianan bou di MetaCorp a reuni na scol Laura Wernet Paskel pa sigui cu e programa di caminata di MetaFit 2018. Den oranan di atardi participante y boluntarionan a yega hunto pa cana y core un biaha mas den e programa di MetaFit.

E biaha aki e participantenan a cana y core 5.5 KM, den cuadro di preparacionnan pa e caminata grandi di MetaFit Walk & Run dia 1 di Juli proximo. Hunto cu empleadonan di MetaCorp, MetaFit ta un di e bon ehempelnan di kico tur un compania por haci pa no solamente tene su empleadonan “fit” pero tambe pa uni e companianan y promove mas “team building”. Di e forma aki e empleadonan ta mas motiva, mas contento y mas cu tur cos…mas saludabel.

E atardi aki a conta un biaha mas cu e presencia di IBiSA, iRun, Patrishi Sports, Harley Motor Unit, Crus Cora y boluntarionan di MetaCorp. Tur hende a termina e atardi aki satisfecho y a gradici tur boluntario pa haci un biaha mas e caminata y coremento di MetaFit Walk & Run 2018 un exito.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio