140
Palm Beach – Diamars atardi den careda di 6’or polis a bay pier na Moomba, caminda cu nan ta hayando falta di un persona.
E persona aki un dama turista lo a bay cu su pareha y demas famia pa un trip ariba Catamaran di Jolly Pirates.
Segun esnan responsabel pa e Catamaran, nan a trece tur hende tera.
E momento ey, ta caminda cu e famia a haya falta di e persona.
Segun nos a compronde, ta dos famia uno ta kedando na Marriott y e otro na Aruba Beach Club.
Ambos hotel a wordo controla, pero nada di e persona aki.
Parse cu elo a conoce algun otro persona ariba e Catamaran, y lo mester a bin tera den e otro shuttle.
Pero, na tera niun hende a mire.
A bin resulta cu den careda di 6:45 nan a haya e dama y tur cos ta ok. E tawata cu algun otro persona, altura di Marriott Surf Club.
E cabayero no a keda nada contento cu e muhe a haci e cos ey, segun e homber e muhe no ta haci cosnan asina.
