Dia 29 di april 2018 Shanayah Howell a competi na Costa Rica den e competencia yama Copa Naciones. Shanayah a competi den e categoria Elite (Prof) y a gana tur su caredanan den un gran forma, titulando na mes momento como campeon. Shanayah ta den preparacion duro y hopi pisa debi cu ta desea di logra su meta pa representa su pais Aruba na Olimpiada 2020 na Tokyo. Maske bibando na Aruba y bayendo scol ta hunga un rol grandi den Shanayah su preparacion, no ta strobando Shanayah su meta pa logra su soño. E Atletanan rond mundo den e nivel aki ya ta practica e deporte aki como profesional y full time dus nan no ta bay scol. Tambe nan tin e pistanan di Cross adecua y e caredanan semanal riba nivel profesional. Shanayah Howell masha pabien y Aruba ta orguyoso semper di bo.
