Home » Vacuna di Influenza 2017/2018  – Departamento di Salud Publico ta haci un yamada na e grupo di riesgo pa pasa busca nan vacuna GRATIS

Vacuna di Influenza 2017/2018  – Departamento di Salud Publico ta haci un yamada na e grupo di riesgo pa pasa busca nan vacuna GRATIS

by Admin
0 comment 75 views

 

 

ORANJESTAD, Aruba – 01 mei 2018: Departamento di Salud Publico den luna di December a ricibi un cargacion di vacuna contra Influenza pa temporada 2017/2018. Atraves di medionan di comunicacion a informa comunidad, specialmente e grupo di riesgo cu ta personanan riba 60 aña y muchanan bou 5  aña, tambe personanan cu malesa cronico manera diabetes- presion halto- cholesterol- triglicerido-asma- obesidad –problema di corazon – riñon y cu un sistema inmunologico abou pa motibo di embaraso- Hiv of cancer,  pa pasa libremente busca nan vacuna na seccion di Malesanan Contagioso completamente GRATIS.

 

Na e momento aki seccion di Malesa Contagioso tin un cantidad di vacuna disponibel ainda  y teniendo na cuenta cu na Europa y America ta keda un alerta vigente pa cu Influenza debi na e cantidad di complicacion y morto cu e ta ocaciona cerca principalmente e grupo di riesgo, Departamento di Salud Publico ta haci un suplica na principalmente e grupo di riesgo pa acudi mas pronto posibel na seccion di Malesanan Contagioso pa busca esaki.

 

Premirando cu juli vakantie ta serca, un temporada cu hopi residente ta bay den exterior pa vakantie y tambe Aruba ta wordo bishita pa hopi turista. Ta hopi importante pa e grupo di risico ta proteha. Departamento di Salud Publico ta conseha jufrounan y leidsternan di scol, cresh y traimerdia pa busca e vacuna contra Influenza pa por yuda proteha nos muchanan tambe.

Pa mas informacion por tuma contacto cu seccion di Malesanan Contagioso di Departamento di Salud Publico na 5224200.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio