Weststraat: Diamars pa mas o menos 1’or di marduga, na momento cu polis tabata atendiendo cu un caso di hit and run, riba e parkinglot dilanti Seven West. Na e sitio nan ta wordo informa cu den e auto staciona net banda di pazuid di esun cu a hit and run, tin un homber sinta den e auto y esaki tabata dal su droga keto den e auto.
E auto tabata un stationwagen berde, e persona sinta den e auto aki ta un adicto conoci di polis. Na momento cu ela nota cu polis a mire, ela sak y a purba di sconde pa polis, su actitud sospechoso a hala atencion di polis. Polis a pone e persona aki baha for di auto, pa asina nan rista den e auto, durante cu polisnan tabata buska den e auto nan a bin topa cu un substancia parecido na cocaina, esaki mesora a keda confisca E glas di patras di e auto tabata completamente destrui.
E persona aki conoci di polis a keda mesora deteni pa motibo cu e tabata tin droga den su poder.