Dialuna mainta Parlamento a cuminsa e recta final pa oke ta tratamento di presupuesto 2018 y relaciona cu esaki miembro di fraccion di AVP, Parlamentario Richard Arends, a dirigi diferente pregunta na gobierno relaciona cu esaki.
“Mi a dirigi un par di pregunta na gobierno pa loke ta trata e pronosticonan pa presupuesto 2018 pero tambe pa e cuadro financiero pa e añanan nos dilanti.
Nos ta wak y nos ta convenci cu e presupuesto aki no ta uno completo caminda cu entradanan adicional a base di aumento di BBO, BAZV ta garantisa pa drenta na vigor dia prome di juli, nos ta wak cu e pakete di compensacion, cual entre otro ta trata reduccion di e prima di AZV pa nos grandinan, como tambe reduccion di winstbelasting, reduccion di loonbelasting y tambe aumento di ‘reparatietoeslag’, esakinan no ta forma parti di e presupuesto aki.
Motibo di con mi ta haci e preguntanan aki ta pa motibo cu ta trata di sumanan cuantioso, reduccion di prima di pension di AZV pa nos grandinan ta alrededor di 20 miyon florin y mi pregunta na gobierno ta con ta bay financia esaki.
Asina tambe pa loke ta trata e reforma fiscal, tambe puntonan cu nos no ta wak bek den e cuadro financiero, kico e ta plan di gobierno pa reduccion di edad di pension ya cu nan a indica cu e saldo di sector colectivo lo ta positivo den e proximo añanan, indicando cu no ta bay tin deficit y esaki tambe ta encera cu lo no bay over na reduccion di edad di pension.
Obviamente pa ta sigur nos a haci e pregunta aki na gobierno y tambe pa loke ta e ‘gelijkbedrag’ di e pensionadonan di APFA pa loke ta trata e suma cu ta wordo paga fin y cuminsamento di aña, e bonus cu tampoco nos ta wak inclui den e presupuesto, pues riba cierto puntonan a base di contenido, nos a haci e preguntanan y dirigi esakinan na gobierno,” Parlamentario Richard Arends a declara.
Parlamentario Richard Arends Con lo cubri reducion prima di AZV pa pensionadonan
97