Oranjestad – Diahuebs den oranan di mainta vocero suplente di polis a duna e tristo noticia, cu e señora cu tawata envolvi den accidente dialuna atardi a fayece.
Sra.Rasmijn a duna e siguiente relato:
“Di dos morto den trafico
Dialuna dia 16 di april 2018 den oranan di atardi a sucede un accidente na meiveld na altura di ex kong fui supermarket entre dos auto. Un hyundai i10 color shinishi y un kia pick-up color blanco. Ambulance a logra stabilisa tur e 3 victimanan di e accidente y transportanan pa hospital. Polis di trafico a presenta na e sitio y a hasi nan investigacion. Ayera diaranson anochi lamentablemente pa 23:20 dr Peterson a constata morto di e señora chauffeur di e hyundai i10. Ta trata di señora Johanna C. Pourier-Croes naci 5 mei 1952 ,Aruba. Cuerpo Policial ta manda palabra di condolencia na famianan di e fayecida”.